“MAESTRO NAGPAKILUOY NGA DILI LANG IKIHA APAN ESTUDYANTE DESIDIDO”

Share this on Social Media

By Tonton Alcos Antogop

 

Kadtong maestro nga giingong nanghilabot sa iyang estudyante kay hagbungonon ang grado nagpakiluoy nga dili lang siya ikiha. “Ingna gyud Ma nga dili lang gyud ko ikiha,” matud pa iyang inahan nga taga Dakbayan sa Naga nga nahinabi sa iNews.ph sulod sa Parian Police Station.

Ang inahan kinsa solo parent naghilak sa dihang nakig-istorya ni Staff Sergeant Ada Jungao, hepe sa Women and Children Protection Desk (WCPD) sa maong presinto.

Ang maestro mismo kinsa nahinabi usab mipanghimakak nga iya gyud nahilabtan ang 17 anyos nga iyang estudyante sa Grade 11 sa usa ka inilang tunghaan.

 

Sugilon pa niya nga igo lang siya mipamasahe kay arun mawagtang ang iyang “stress.” Dili siya makahatag ug special project sa maong estudyante mao nga nagkasabot sila nga magkita bugti sa paghatag niya ug passing grade.

“Hagbungonon man siya mao niana ko niya nga kana lang gung maka wala sa stress, massage ra ba,” matud pa sa maestro nga nahinabi samtang gibalhug sa detention cell. Apan wala siya magdahum nga miuna ug sumbong sa Parian Police Station.

Ang estudyante ug amahan niini hinungdan nga gipahigayon ang entrapment operation ug didto sila maabti sulod sa Room 319 sa usa ka lodging house sa may Colon Street, downtown area sa Syudad sa Sugbu.

Matud sa mga staff sa maong lodging house nakugang sila sa dihang miabot ang mga polis sa ilang establismiento kagahapon sa pasado alas nuebe ang takna sa kabuntagon.

Kasong kalapasan sa Special Protection of Children Against Abuse, Exploitation and Discrimination Act (RA 7610) ang giandam nga kaso batok sa maestro. “Nahilabtan man niya o wala, violation na sa balaud ang iyang gibuhat tungod kay menor de edad ang biktima” pagpasabot pa ni Sgt. Jungao sa iNews.ph.

Leave a Reply

Your email address will not be published. Required fields are marked *