Nagpadayong normal ang pagpahigayon sa pagbotar sa mga botante sa lunsod sa San Fernando bisan pa sa mga kakulian sa pipila ka Vote Count Machine (VCM)

Share this on Social Media

Bisan pa sa mga kakulian sa pipila ka Vote Count Machine (VCM) sa lungsod sa San Fernando, Cebu, nagpadayong normal ang pagpahigayon sa pagbotar sa mga botante. Nasayran nga tulo ka mga VCM ang mikagar kini mao ang sa Ilaya Elememtary School, San Isidro Elemtary School ug sa Basak Elementary School.

Matud ni Mario Oville, election officer sa Commission on Elections (COMELEC) sa lungsod sa San Fernando, Cebu nga napadalhan dayon nila sa contigency machines ang maong mga tungahaan. Sa kinatibuk-an hapsay ug nagmalinawon ang piniliay.

Gipasabut ni Oville nga tungod sa sobrang kainit sa panahon posibling mikagar ang pipila ka VCM’s. Sa kinatibuk-an adunay 59 ka mga VCM ang gipakatap sa tibook lungsod ug adunay 6 ka back-up kon contingency machines sa higayon nga adunay mokagar niini. Gisugdan ang pagbotar sa alas says sa buntag ug matapos kini sa alas says sa hapon.

 

Si Mario Oville, election officer sa Comelec, San Fernando Cebu, dihang nahinabi sa mga tigbalita

 

Balita ug hulagway kuha ni Ramil Paican

Leave a Reply

Your email address will not be published. Required fields are marked *