DIAMANTE MIDAUG SA TUBURAN

Share this on Social Media

By Gene Valenzuela

TUBURAN, CEBU- Hingpit nang giproklamar sa Board of Canvassers dinhi isip Mayor ug Bise-Mayor ang magnagsuong Danny Diamante ug Democrito Aljun Diamante sa Lungsod sa Tuburan kaganiha sa mga alas 9:00 ang takna sa kabuntagon sa Tuburan Covered Court.

Si Mayor Democrito Aljun Diamante nga nagpapili pagka Bise Mayor karong piniliay gumikan sa term limit, gipildi niya Ang iyang kaatbang sa ihap o botos nga 22,539 kontra 15,490 botos ni Andot Potencioso (one Cebu) , samtang ang comebacking candidate sa pagka Mayor nga si Daphne Lagon (One Cebu) nga nakatigum ug 17,846 votes gilampaso ni Danilo Diamante nga nakakuha ug 21,099.

Gawas sa malampusong kampanya sa mga Diamante sa top post nilang nakuha sa Lungsod sa Tuburan, na-solid pud ang ilang 5 ka mga Sangguniang Panglunsod na sila si Henio Arigo, Kap Deal Cerna, Marvin Monterolla, Alden Jurlano ug Boyna Pontillas.

Ang Lungsod sa Tuburan nga giilang pinakadako nga Lungsod sa Cebu, usa ka second class municipality nga gilangkuban ug 54 ka barangays. Duna kiniy 63,866 nga populasyon nga gilangkuban sa 42,547 ka mga botante.

Leave a Reply

Your email address will not be published. Required fields are marked *