SEKRETO SA KADAUGAN NI LABELLA, KAKUGI UG PANALANGIN SA KAHITAS-AN

Share this on Social Media

by: Ramil O. Paican

Kakugi maoy usa sa mga yawe ni Cebu City Mayor Elect Edgardo Labella sa iyang kadaugan sa bag-o lang natapos nga piniliay. Matud ni Labella nga kuwang kaayo ang ilang mga resources apan gibawi kini niya sa kakugi ug nakatabang sab gyud ug dako ang pag-endorso ni Presidente Rodrigo Duterte alang sa iyang kadaugan, “Ang ato gyud taw’ng kugi no? So of course ang panaglangin gyud sa kahitas-an kay kining tanan natong gibuhat kon wala tay blessing sa kahitas-an wa mangyud tay mahimo kay siya may gahimo ning tanan. kita we have just to work hard lihok kay tabangan ko ikaw, milihok man gyud ta ug maayo”, pagpadayag ni Labella atol sa interview ni Atty. Ruphil Bañoc sa tulumanong Straight to the Point sa DYHP RMN Cebu.

Dose ka mga pulong-pulong ang iyang tambungan matag adlaw sa pagpangampanya, unom sa south ug unom sab sa north district aron lang makapanglamano sa katawhan. Adunay 35 ka mga kaalyadong barangay kapitan ang pundok ni Labella mao nga dili gyud sayon ang ilang pagpangampanya, “35 ra ang atong mga barangay captains, ato nang gibawi pinaagi sa pagreachout sa paghikap sa mga kamot sa atong mga kaigsoonan sa mga barangay especially sa handshaking”, pagpasabut pa ni Labella.

Daghan sab ang bolontaryong mitabang sa ilang pagpangampanya, gani wala sila paabanga sa usa sa ilang mga headquarters ug may mga supporters sab sila nga nanghatag nila ug bugas, “Salamat lang sab naa tay mga igsoon nga mitabang pananglit ang among usa ka headquarters, wa ko pabayra sa abang, daghan sab nanghatag ug pipila ka sakong bugas”, matud pa ni Labella.

PAGCONCEDE NI TOMAS

Dako sab kaayo ang pagpasalamat ni Labella kang Incumbent Mayor Tomas Osmeña sa pag-angkon sa iyang kapildihan,”Pasalamat ko ni Mayor Tom nga miconcede dayon siya mao bitaw ni giingon nga “One has to be magnanimous in victory and gracious in defeat” that was a gesture of being gracious mao nga mi-concede siya, and i really appreciate him for that gusto man gani gyud ko nga kini untang tanan ba human sa eleksyon magtinabangay lang ta para sa kaayuhan, kalimtan natong mga sakit nga pulong nga ilang gisablig nganhi nato, ako I am always ready to forgive although lisud hioon kalimtan pero I am always ready to forgive para lang gyud because first and foremost what is paramout is the best interest of the City of Cebu”.

FIRST 100 DAYS

Nag-una sa hatagan dayon ug pagtagad ni Labella sa unang usa ka gatos ka adlaw sa iyang pangatungdanan mao ang problema sa basura, pagbaha, trapiko ug ang peace and order. Samtang hatagan sab ug gibug-aton ni Labella ang pakig-tigum sa tanang law enforcement agencies. Labut sa problema sa pagbaha una niyang buhaton mao ang paghabwa sa mga basura nga nakabara sa mga waterways, “Usa sa gyud sa unahon nato, is to have massive dredging to our waterways, creeks, rivers’. Makig-alayon kini sa tanang opisyal sa barangay makaalyado man o kaatbang sa politika, gani may tulo na ka mga kapitan sa pikas partido ang mitawag ug nipadayag na ug pagsoporta kang Labella apan wa lang usa kini panganli, “We involved all the barangay officials, i will call a meeting to all the barangay officials kaalyado o kaatbang sa politka, gani nalipay ko kay naa na may mga sa pikas tulo na ka mga barangay captains nga nanawag nako and i was so appreciative of them gusto silang motabang”, sigon pa ni Labella.

PEACE AND ORDER

Usa sa unang tahas nga buhaton ni Labella mao ang pagtigum sa tanang law enforcement agencies aron mahisgutang ang mga angayan nga buhaton pagpatunhay sa kahapsay ug kalinaw, “Atong unang buhaton first is to call for a command conference with all our law enforcement agencies, ang police , NBI, PDEA ug ang tanang na-involved and infact if necessary there would be a time for me to also ask for the help the Army”. Gani nakita na daan ni Labella ang kakuwang sa kapolisan nga maoy mobantay sa kahapsay ug kalinaw sa syudad,”Ang ideal ratio gyud is 1 policeman for every 500 residents, sa akong tan-aw Atty. Ruphil ako naman ning gi-estudyuhan. nga atong sitwasyon karon is 1 policeman for mga 3 thousand, so we have to involved multiplier forces”.

KAWIT ISLAND PROJECT

“Ang amo gyung posisyon it was not objectionable per see with that project, ang amo lang unta hangyoon unta nga ang “terms and conditions” inong pananglit sa kanang 90-10 sa gross receipts nga 90 sa private developer unya 10 ra sa syudad ug sila pa gyud ang modevelop wa gyud kaayo ni mamantala, ang ilang firm mo-engaged sa business ang ila 90 kon di 98 unya 2 ra gani sa syudad”.

Gisupak sa ni Labella ang pagtukod ug laing casino sa Kawit Island, gani sumala pa niya nga may mando na si Presidente Rodrigo nga dili na magsige ug butang ug casino, “Anyway naa namay casino nga naaprobahan ang pagcor nganong ano pa mang butangan ikaduha it would be also legally questionable, kay kana man gud ang kawit island that used to owned by Department of Health, Bureau of Quarantine, unya ang exchange nato sa memorandum of aggreement… I think there is a prohibition there na it should only be for purely a commercial purpose nga di gyud dapat butangan ug pasugalan. Ang usa gyud sa dagkong causes sa graft and corruption sa atong mga bureaucrats, ang kini gyung gambling. I made a research on this, dig deeper nga nahitabo nga 60-70 percent ang reason gyud ang naa sa gobierno mangawat tungod kay nahook na sa sugal, It’s like also addiction to drugs,” pagpasabut pa ni Labella nga usa ka kanhi prosecutor ug direktor sa Ombudsman.

BUSINESS FRIENDLY

“We have to be business friendly, reklamo sa mga businessmen pagpangayo lang ug business permit it would take months bisan naka-comply na sa tanang requirements”. Matud pa ni Labella nga adunay 5 mil ka mga kawani ang city hall ug dili katarungan nga kuwang ang ilang tawo nga moproseso.

Gilantawan nga makapadayon na sa ilang mga proyekto ang SM ug ang Ayala. “We have to look into that, kay kon nasunod palang unta dayon naa na unta tay Dome, naa nata’y Arena, naa nata’y Ocean Park and we could have employed thousands”, suma pa ni Labella.

RICO’S LECHON

“We have to look into the legal dimension if they really have followed the rules and regulations, tinood dunay mga insinuations nga kaning dunay personal motivation ang pagsira but at the same time ato sab tan-awon ang kining legal dimension if rules were not violated”.

MAJORITY GIHAPON ANG BOPK

“That is a challenge that we have to face, mo-majority man sila and I just hope of course makasabut unta sila nga we have to do something for our city. On my part also I would try to reachout sa atong mga kauban nato dinha fellow workers bisan toa sila sa laing pundok, but when it comes to project legislation nga makaayo maghiusa mi ug magtinabangay”. Dugang ni Labella nga gikinahanglan gyud ang oposisyon basta objective criticism lang ug dili ang tuyo mao lang gyud ang pagbabag.

Leave a Reply

Your email address will not be published. Required fields are marked *