CAPITOL RESOURCE CENTER DILI IDAYON NI GWEN

Governor-elect Gwendolyn Fiel Garcia

Share this on Social Media

CEBU, PHILIPPINES – Gipamong ni Governor elect Gwen Garcia nga dili niya ipadayon ang proyekto ni outgoing Gov. Hilario Davide lll nga Capitol Resource Center. Gitawag ni Garcia nga “Tore de Davide” ang 20 ka andana nga edipisyo nga nagkantidad ug 1.5 bilyones ka pesos pagatukuron sa kilid sa capitol building.

Matud pa Garcia nga ang iya unya nga administrasyon dili mangutang busa dili gyud niya idayon ang proyekto nga loan gikan sa Development Bank of the Philippines (DBP). Miingon si Garcia nga mismo ang kontraktor sa proyekto ang W.T. Construction iya nang gipahimangnuan nga hunungon ang pagtrabaho sa proyekto.

Si Garcia mipasaka na ug sumbong sa Visayas Ombudsman batok ni Davide sa maong proyekto ug uban pang opisyal sa kapitolyo lakip na gani si outgoing Vice Governor Agnes Magpale. Mipasangil si Garcia nga wala muagi sa saktong proseso ang maong proyekto mao nga mipasaka siya sa kasong kalapasan sa anti-graft amd corrupt practices law.

Si Magpale maoy kaatbang ni Garcia kun diin milabaw siya niini ug 288,000 ka boto sa milabay nga eleskyon. Gisaad ni Garcia nga iyang ibalik ang sugbo pagka numero uno nga probinsya sa tibook nasod, iyang ibalik ang pag lambo sa turismo usa niana ang subling pagpahigayun sa “Suroy-Suroy sa Sugbu.”

 

by Cheche Brosas

 

Leave a Reply

Your email address will not be published. Required fields are marked *