We will bring PNP closer to the people: Councilor Arvin Abing

by: Ramil Paican

Natudlo nga bag-ong chairman sa advisory council sa Police Station 2 sa dakbayan sa Lapu-lapu, Maribago Councilor Arvin Abing, misaad nga gusto niyang mapaduol pa ang kapolisan ngadto sa katawhan.

“One of the programs sa PNP ang Oplan Pakigsandurot wherein ang atong kapolisan maghimo ug activities like childrens feeding sa kada sityo or purok aron usab adunay visibility sila sa matag sityo. We will bring PNP closer to the people”, pagpasabut pa ni Abing.

Samtang napili nga vice chairman mao si Glenn Laping. Ang advisory council gilangkuban usab nila ni Erra Augusto sa DOJ, Donel Rodriguez sa religious sector, Konsehal Zandro Augusto sa LGU samtang sa youth sector si SK Chairman Mary John Taghoy.

Ang advisory council usa ka mandatory nga direktiba sa Philippine National Police kansang tumong ug tuyo mao ang implementasyon sa P.A.T.R.O.L (Peace and Order Agenda for Transformation and upholding the rule of law).