LOVE TRIANGLE POSIBLENG MOTIBO SA PAGPUSIL SA TRAFFIC ENFORCER SA MINGLA

Subsob nga pakususi ang gilusad sa kapolisan aron matumbok ang mipusil sa traffic enforcer nga si Loi Engbino nga gibanhigan sa duha ka tawo nga nagmotorsiklo didto sa Brgy Tuyan, Naga City niadtong milabayng gabii.

Kini maoy labing ulahing kasayuran nga nakutlo human mahinabi sa iNews.ph ang ilang luyoluyong hepe sa Minglanilla Traffic Command nga si Israel Abalo. Si Abalo nagkanayon nga padayon pang giatiman sa tambalanan ang biktima nga nakaangkon ug samad pinusilan sa dughan ug apapangig nga giingong operahanan.

Ang biktima matud pa sa taho nga lumad sa Poblacion Minglanilla apan adtu na kini mag-ulian sa Brgy Inoburan sa Naga human magkabuwag sa iyang kapikas. Usa sa mga nakaila sa biktima nga ninghangyo nga dili hinganlan miingon nga posibleng “love triangle” o kalambigitan sa iyang trabaho ang hinungdan nganong gipusil ang biktima.

Ang kapolisan sa Naga nagsusi na niining maong anggulo sa hitabo.

 

 

by Gene Valenzuela