Lalaki nga misukol sa pulis, napatay

Giila nga second most wanted person napatay sa kapolisan sayo ganinang buntag sa mga alas 5:30 (May 30, 2019) sa may Sitio Looc, Barangay Saavedra sa lungsod sa Moalboal.

Giila ang napatay nga si Leonardo Velasque 34 anyos, ulitawo. Si Velasque nag-atubang sa kasong frustrated murder dihang suway untang dakpon sa kapolisan pinasikad sa warrant of arrest.

Matud pa ni Patrolman Regie Araza sa Moalboal Police Station nga dunay nakahatag ug impormasyon sa kapolisan sa nahimutangan ni Velasque. Dihang akto na unta kining dakpon, misuway kini sa pagsukol sa kapolisan hinungdan nga nabawsan nila kini sa pagpusil ug namatay. Nakuha gikan sa napatay nga suspek ang .45 calibre nga armas./ Ramil Paican