Bag-ong nakapyansa tungod sa illegal drugs, gibanhigan patay sa riding in tandem sa Talisay City.

Kwarenta anyos nga bag-o lang nakapyansa tungod sa kasong illegal drugs ang gipusil patay sa duha ka mga riding in tandem pasado alas 8:00 karong gabii ( June 1, 2019) sa may Sitio Rattan, Barangay Tangke sa dakbayan sa Talisay.

Ang report sa DYHP RMN News nag-ila sa biktima nga usa ka Carlos Villaber, 40 anyos, menyo ug residente ra sa nahisgutang lugar. Sigon pa sa mga nakasaksi nga sakay sa iyang bisiklita ang biktima dihang gibabagan kini sa duha ka mga motorsiklo nga adunay mga angkas ug dayong pusil sa makadaghang higayon sa biktima ug namatay diha-diha.

Ang report usab nagbutyag nga nadakpan karong lang bulana sa anti illegal drugs ang biktima ug bag-o lang nakapyansa. Apan sigon pa sa kabanay sa biktima nga buotan ug wala gyud kini mahilambigit sa illegal nga drugas kay giingong walay nakuha ang kapolisan dihang gironda ang ilang panimay.

Narekober sa crime scene ang kapin sa napulo ka mga basiyo sa bala sa di pa matinong kalibre sa armas./Ramil Paican

 

Patayng lawas ni Carlos Villaber, 40 anyos human tabangi ug pusil sa dakbayan sa Talisay (hulagway tampo ni Josephus Quijano/DYHP RMN CEBU)