Napatay sa tigbakayan sa Dumanjug, naamong lang

Usa ang patay samtang laing duha ka mga biktima ang samaran sa pagpamusil nga nahitabo sa usa ka tigbakayan sa Sitio Garaje, Barangay Kang-actol sa lungsod sa Dumanjug mga pasado alas tres sa hapon (Mayo 31, 2019).

Giila ang namatay nga si Arnel Bayabyan 32 anyos nga taga Barangay Tapon, samtang giila ang mga samaran nga silang Leomar Angana 32 anyos ug Nelmar Sikop 23 anyos.

Matud pa ni P/Staff Sergeant Reynold Burlado sa Dumanjug Police Station nga tumong diay sa suspek nga pusilon mao si Leomar unya nagsul-ob ang suspek og bonnet, “pagpadayag pa ni Burlado.

Sigon pa ni Burlado nga naamong lang ang namatay nga biktima sanglit lain man nga tawo ang target sa wala pa mailhing suspek.

Nasayran nga bag-ong laya sa prisohan ang biktima nga si Leomar Angana mao nga padayon ang imbistigasyon pagtino kinsa ang nakaaway ug atraso niini.

Narekober sa crime scene ang mga kabhang sa .45 kalibre nga pistola nga gigamit sa suspetsado.