MOBILE FORCE POLICE MIDONAR UG SCHOOL SUPPLIES SA MGA ESTUDYANTE SA BUSAY

CMFC commander Major Chuck Barandog nangulo sa pangpanghatag ug mga school bags ug uban pa sa mga estudyante sa Busay Elementary School. (mga hulayway kuha ni Allan Defensor)

CEBU CITY, Philippines- Agi ug tipik sa ilang police community relations midonar ug mga school supplies sa mga estudyante sa Busay Elementary School ang mga tinugyanan sa City Mobile Force Company (CMFC) sa Cebu City Police Office.

Pinangulohan mismo ni CMFC commander Major Chuck Barandog ang mga gipanghatagan sa mga school bags ug uban pa gilangkuban sa mga estudyante nga angayan gyud nga tabangan.

“Ang recipient 100, kadto gyung nga less fortunate” si Mrs. Leonarda Opone ang Officer-in-charge (OIC) sa maong eskwelahan miingon. Gipasabot ni Maj. Barandog nga napili nila ang maong eskwelahan basi usab sa ilang nalantawan nga panginahanglanon sa mga estudyante.

 

Miingon si Barandog nga ang Barangay Busay mao ang nahaunang barangay, ang tiilan sa mga “mountain barangay” sa syudad nga ubos sa area of responsibility (AOR) sa CMFC.

Tipik ang maong kalihukan sa flagship program nga mao ang “Balik Eskwela” sa Philippine National Police (PNP). “Flagship program ni sa PNP nga ang police maduol sa community most especially sa mga kabataan.

Para ang police dili himuon nga panghadlok sa kabataan, kundi protectors para sa mga bata” si Barandog sa dihang nahinabi sa mga tigbalita mipasabot. Didto usab sa maong okasyon ang CMFC advisory council ug si Busay barangay councilor Amelito Lopez kinsa nailang alyado ni incoming Cebu City Mayor Edgardo Labella, ang kasamtangang Bise Mayor sa syudad kinsa nipildi ni outgoing Cebu City Mayor Tomas Osmena.

Si Osmena kahinumduman kanunay nga mipasangil ni Barandog nga gigamit sa iyang mga kaatbang sa politika. Ang maong mga pasangil kusganong gipanghimakak hinoon ni Cebu City Police Director Colonel. Royina Garma kinsa niingon nga ang CMFC ubos sa pagdumala ni Barandog igo lang mibuhat sa ilang katungdanan isip kapolisan.

Si Osmena mipasangil nga ang CMFC kanunay nga mupahigayun ug check point bisan ug dili na kinahanglan apan miingon si Colonel Garma nga aprubado gani sa Commission on Elections (COMELEC) ang ilang mga lihok./Tonton Alcos Antogop