SHABU NGA KONEKTADO SA DUBAI DRUG SYNDICATE NASAKMIT SA TALISAY

Diagram sa sindikato sa shabu sa syudad sa Dubai sa United Arab Emirates (UAE).

TALISAY CITY, Philippines- Giingong shabu nga konektado sa usa ka sindikato sa syudad sa Dubai sa United Arab Emirates (UAE) ang nasakmit sa kapolisan dinhi ning maong dakbayan.

Giila ni Talisay City Police Office chief Lt. Col. Marlu Conag ang suspetsado nga si Mark Navarette, 28, anyos, mulopyo sa Deca Homes Phase 1 sa Barangay Dumlog.

Nakuhaan si Navarette ug duha pa niya ka mga kaubang suspetsado ug mga gituhuang shabu nga mukabat sa P145, 860.00 sa usa ka buy bust operation kaganihang kaadlawon, Huwebes, Hunyo 6, didto ra usab sa Barangay Dumlog.

Ang suspetsadong sakop sa Dubai drug syndicate nga nadakpan sa mga Pulis sa Talisay. (hulagway gikan sa Talisay City Police Office)

 

Uban niya ang duha nga sila si Ruferd Gella, 32, taga Barangay Lagtang ug Juanito Amahan, Jr.,34, taga Felina Village, Labangon sa dakbayan sa Sugbu.

Miingon si Conag nga nasuta nila nga myembro ug drug syndicate nga nag-base sa Dubai si Navarette subay sa ilang gipahigayun nga “tactical interrogation.”

Matud pa nga nitug-an kanila si Navarette nga nadakpan na siya sa Dubai niadtong 2017 mismo ug gi-deport sa Pilipinas apan padayun gihapon ang koneksyon niini sa iyang grupo didto sa Dubai pinaagi sa pag-gamit sa duha ka “internet Apps” kansang site name gipugngan lang una sa iNews.Ph sanglit nagpadayun pa ang inbestigasyon sa hitabo.

Nipagawas ug “matrix” si Conag kalabot sa maong Dubai connection ni Navarette nga usa ka Pakistani national diin nasayran usab nga sa dihang gi-deport didto niuli makadiyot sa Batangas si Navarette apan nibalhin ra pud kini sa Sugbu.

Gipasabot ni Conag nga si Navarette ang mupahigayun sa drug trade transaction sa ilang mga tigpalit ug shabu didto sa Dubai ug ang bayad pinaagi sab kaniya diin ang komunikasyon pinaagi sa maong mga internet apps.

Miingon si Conag nga lahi usab ang mga transakyon ni Navarette sa local drug trade sa dakbayan sa Talisay ug sa dakbayan sa Sugbu apan ang drug connections niini sa Dubai ang ilang gihatagan ug lawom pa nga inbestigasyon.

“Bale c makoy (Navarette) for now being deported already sya padin ang nagtransact sa mga customers sa dubai tru _______ and ____ also pinapaldan ng paymt sa pinas. Tpos ang contact nya dun sa dubai na Pakistani and some pinoy distributes.. In the meantime meron din sya transactions local dito talisay and cebu city” segun pa ni Conag sa FB messenger sa dihang gipangutana sa iNews.Ph./AAJ