JANE UG JOHN, MS. & MR. CHICKEN HOTDOG SA TABOAN NGA GIDUGUKAN

Share this on Social Media

CEBU CITY, Philippines- Kung muadto mo sa Taboan public market diri sa Sugbu ayaw mo kahibulong kung makita ninyo ang usa ka mobile food cart nga gidugukan sa kadaghanan. Iya kana nila ni Mary Jane Tangpos ug John Rey Espinosa kinsa namaligya sa kinaham nga fried chicken ug hotdog nga labihang baratoha ug lamian pa sa may eskina dalan Tres de Abril nga atbang mismo sa merkado.

Si Tangpos, 32, miingon nga gikan sa alas 9:00 sa buntag hangtud sa alas 4:00 sa hapon anaa sila ug kung budget ang istoryahan “okay” na kaayo ang P30. “Trienta pesos mabusog na ka, kay ang among tuyo makakaon gyud bisan ug yano nga tawo,” si Tangpos mitug-an sa iNews.Ph.

Unya, huwag ka mga higala, kay dili basta-basta ang inyong tindera, gawas nga maayo ang hitsura, “nursing graduate” kini si Jane. Gradwado siya sa Bachelor of Science in Nursing (BSN) sa University sa San Jose Recoletos (USJR) sa tuig 2010 ug gani kapila na siya agdaha sa iyang igsoon nga adto mutrabaho sa Canada.

“Dili na kinahanglan ang mu abroad Sir naa ra diri sa atoa ang kwarta basta maningkamot lang ta” si Jane nagkanayon. Gani sa maong interview, nitug-an siya nga duna silay laing negosyo nga mao ang pagpamaligya ug ” bearing” ug “surplus spareparts” sa mga sakyanan. Alang kang John, 28, dako ang ilang kalipay nga makakita nga mabusog ang mukaon kanila bisan sa gamay ra nga kantidad.

“Ang ato makadalit ta ug pagkaon nga barato unya praktikal na ba, ang importante duna tay kita niining atung tinarung nga paningkamot.” Ang usa ka tawo pwede na kaayo mabusog sa usa ka “deep fried chicken” nga P20 ug tulo ka puso nga P10 ang kantidad. Ang ganahan ug softdrinks mudugang ug P12 apan sagad P30 ra gyud kay tubig ra ang imnon (iced water) sa ilang mga customer.

 

 

Kun gusto ka ug ubos pas P30, ang usa ka hotdog, P15 unya tulo ka puso nga P10, kumbati na. Matud pa ni John nga sagad nga mangaon kanila mga pasahero sa byaheng Tabunok, Talisay ug Minglanilla, mga drayber, lakip na usab ang mga stall owners sa Taboan ug tindera sa sikbit ra nila nga “buwaran (dried fish section).

” Kun pila ang ilang ginansya “secret” basta kay ang kita ni Jane ug John, si Ms. ug Mr. Chicken-Hotdog sa Taboan, mas dako pa ang income sa mga disente ug sapot nga mga trabahante. Unya pahimangno, silang duha nga pulos gyud maayo ang mga “physical looks” dili na available “for obvious reason” (palihug tan-awa ang video ug photos sa duha).

 

 

Basta ug ikaw gutumon unya ganahan ug barato nga lamiang pagkaon, suwayi ug adto ang cart sa fried chicken ug hotdog ni Jane ug John sa Taboan./Tonton Alcos Antogop./AAJ

 

Leave a Reply

Your email address will not be published. Required fields are marked *