Pulis nga pusher, nadakpan.

P/Corporal Rogelio Atillo nadakpan sa buy-bust operation (hulagway kuha ni Romeo Marantal)

Cebu City, Philippines – Pulis nga namaligya ug shabu, nadakpan sa buy-bust operation sa kapolisan sa Pardo Police Station. Giila ang suspek nga si P/Corporal Rogelio Atillo nga giingong sakop sa Drug Enforcement Unit (DEU) sa Cebu City Police Station 10.

Nasakmitan ang suspek ug 15 gramos sa gituhuang shabu ug ang buy bust money nga P27,000.00. Apil nga gisakmit ang GLock 17 nga service firearm sa suspetsadong pulis.

 

Giangkon sa dinakpan nga nakabaligya na siya kaniadto apan way swerte kay nadakpan naman kini sa iyang ilegal nga binuhatan.

Sa kasamtangan gihikay na ang mga kasong admistratiba ug kriminal nga posibleng atubangon sa suspek, diin nameligro pa kining mataktak sa iyang pagka-pulis./Romeo Marantal