Padayon ang imbistigasyon sa pagtulis ug pagsunog sa opisina sa KAPA.

Opisina sa KAPA gisunog. (hulagway kuha ni Allan Defensor)

COMPOSTELA, CEBU – Nagpadayon karon ang imbistigasyon sa pagtulis ug pagsunog sa buhatan sa Kabus Padatuon (KAPA) sa lungsod sa Compostela, Cebu pasado ala una ganinang kadlawon (June 8, 2019).

Mga tinugyanan sa Scene of the Crime Operatives (SOCO) ang nagsusi na sa lugar nga nasunog aron pagdokumento ug pagsusi sa hinungdan sa sunog. Pasiunang kasayuran giingong gigamitan ug gasolina ang pagsunog sa buhatan sa KAPA nga dali kaayong misilaob hinungdan sa pagkaugdaw sa tibook buhatan niini.

Pasiunang kasayuran nasuta nga gikuha sa armadong mga tulisan ang vault dayong sunog nila sa maong buhatan. Giingong tulo ka van nga dunay sakay nga mga armadong mga tawo nga naka-itom ang misulod sa buhatan sa KAPA ug gipagawas ang mga naa sa sulod niini una pa hingpit nga gisunog./RP