Patay nga dolphin napalgan sa Asturias

Gibana-banang mga alas singko sa hapon (Hunyo 8, 2019) napalgan nga naglutaw-lutaw sa kadagatan sa Sitio Maca, Poblacion sa lungsod sa Asturias ang patay nga dolphin.

Sigon sa Asturias Police Station nga usa ka mangingisda nga si Danny “Nonoy” Balbenta ang nakakita sa naglutaw-lutaw nga patay’ng dolphin.

Giingong gidala kini ni Balbenta sa baybayon ug gipahibalo ang mga hintungdan nga mga ahensya. Daling nakaresponde ang kapolisan sa Asturias ug ang Local Disaster Risk reduction and Management Office (LDRRMO) sa lungsod ug ingon man ang Bantay Dagat sa lugar aron pagsuta sa gikareport nga patay’ng dolphin.