APOLINARIO MIHULGA NGA MAG-RALLY SA DAVAO ANG KAPA, OPERASYON SA SUGBU PADAYON

CEBU CITY, Philippines- Mihulga ang founder sa Kabus Padatoon (KAPA) nga mupahigayun ug prayer rally sa Davao City ang ilang pundok. Kini human sa tahu nga mimando si Presidente Rodrigo Duterte nga pasiradhan ang KAPA ug uban pang sama kanila nga naghimo ug “pyramiding” nga usa ka “syndicated estafa.”

“To the CIDG, the police, the special investigating teams, including NBI — that is pyramiding. That is why you shut them down and haul them (to courts) upon my orders,” si Presidente Duterte sa interview kaniya ni Pastor Apollo Quiboloy didto sa Davao segun sa tahu sa Philippine News Agency (PNA).

Apan nanalipod sa KAPA si Apolinario nga matud pa niya unom na ka tuig naglihok ang ilang pundok ug gani miabot na ug lima ka milyon ka mga tawo ang ilang myembro. Wala pay usa matud pa ni Apolinario ang nireklamo niining maong gidaghanon sa mga KAPA members. “For six years na po wala akong naloko na kahit isa, almost five million na ang mga myembro ko, wala akong naloko,” pamahayag ni Apolonario sa iyang programa nga “Ang Matuod nga Kaluwasan (The Real Salvation)” sa Gensan based nga MUEWS Radio, FM station nga gipanag-iya sa KAPA kagahapon sa buntag, Hunyo 8. Ang maong programa gipagawas sa Facebook Live sa istasyon maong nabati ug natan-aw sa mga KAPA members usab ingon man sa mga netizens.

Matud pa ni Apolinario nga ang ilang prayer rally maoy timailhan nga sila daghan ug nagkahiusa ug ila kining gustong ipakita ni Presidente Duterte. “Ikakasa po natin yan doon tayo. Sige lahat ng mga taga Gensan, lahat ng mga taga Digos, Sta. Cruz, mga Panabo, Tagum doon tayo sa Davao pa pa-paralaysin (paralize) natin yung traffic.

Prayer rally tayo doon para mapakinggan tayo,” sumala pa usab ni Apolinario. Miingon si Apolinario naamong lamang sila sa iyang gitawag nga “kabute (uhong)” nga nangatukod usab ug nagtanyag ug tag’-as nga interest rates sa ilang mga investments. Kwestyunable matud pa ni Apolinario ang maong mga pundok ug sila sa KAPA dili parehas kanila sanglit usa sila ka pundok relihiyuso diin ang mga myembro mu-donar ug kwarta alang sa gitawag niya nga “ministry.”

Si Engr. Christopher Abad, ang nangulo sa KAPA-Cebu mipasabot nga dunay madawat nga 30{481076ee53a1fc97de0369f33ed2e92f10b25aa7745daa7b1993dd39620a4254} interest rates sa tubo ang matag donasyon diin iyang gitawag kini nga “blessing” o “love gift” matag buwan o kaha pinaagi sa “compounding” diin mas taas ang tubo sa kwarta kun ipabilin kini ug pila ka buwan. Segun pa sa maong programa, gitug-an ni Apolinario, ugma puhon, lunes, Hunyo 11, ang pagtakda sa prayer rally sa Davao.

Samtang gipasalig usab ni Apolinario nga dili musirado ang KAPA-Cebu bisan pa sa nahitabong pagtulis ug pagsunog sa ilang opisina sa Poblacion Compostela kagahapon sa kaadlawon. Gikumpirmar ni Apolinario nga duna gyuy nadala nga kwarta ang mga armadong tulisan ug gisunog ang KAPA office apan dili kini makaapekto sa ilang kalihukan. Usa sa 21 ka mga KAPA staff nga naapil sa pagtulis mitug-an sa iNews.Ph nga mukabat sa P28 milyones pesos ang sulod sa ilang vault nga nadala sa mga tulisan apan wala mutug-an si Apolonario kun pila gyud ang maong kantidad.

“Wala naman sigurong nasaktan doon sa ginawa nila. Sige lang okay lang naman yun kahit yun yong ginawa sa opisina natin doon sa Compostela. Manatili pa rin kayong masigasig dyan, wala pong problema yan dahil patuloy po. Sige lang, patuloy pa rin ang ating pag-operate dyan,” pasalig ni Apolinario. Sa iyang bahin si Abad ni-post sa FB page sa Kapa Community Ministry-Cebu Branch nga bisan pa sa maong insidente magpadayun ang kalihukan sa KAPA Cebu branch.

“Good Morning KAPAmilya, despite of the incident happened just this morning, we will still continue & steadfast on our ministry” ang post ni Abad nagkanayon diin siya ang admin niini. Si Compostela chief of police, Major Ian Macatangay miingon nga nagpadayun pa ang ilang inbestigasyon sa maong pagpanulis ug pagsunog diin matud pa sa mga biktima napulo ka mga armadong tawo ang responsable.

Ang KAPA didto magsugod sa Bislig City sa Surigao del Sur apan mibalhin na karun sa Alabel, Sarangani ang ilang main office. Gipadayag sa maong pundok nga miabot na sa kapin sa 30 ka mga branches ang ilang natukod sa tibuok nasud ug daghan na usab ang ilang mga negosyo nga nakapalig-on sa ilang kalihukan./Tonton Alcos Antogop