TAGA ISLA SA OLANGO MIDAUG NGA MISS GO GREEN SA LAPU-LAPU

Hulagway sa mga Nanaog sa Miss Go Green 2019. (gikan sa wala, Mary Jholeen Panugalinog sa Philippine State College of Aeronautics (PHILSCA) isip Miss Go Green Fire, Mae Ann Intong sa District 6 isp Miss Go Green Air, Emilyn Antonette Salan - Miss Go Green Ambassadress 2019 ug Shyne Alexis Ronquillo sa Pajo isip Miss Go Green Water) - mga hulagway kuha ni Christian Maningo

LAPU-LAPU CITY, CEBU- Tinun-an nga taga Isla sa Olango ang midaug sa gipahigayun nga Miss Go Green 2019 kagabii sa Hoopsdome ning maong dakbayan. Si Emilyn Antonette Salan, 19, gikan sa Barangay San Vicente maoy napili sa 28 ka mga kandidata sa mga hurado nga gipangulohan ni Top Model of the Philippines 2010 ug Mutya ng Pilipinas 2010 2nd runner-up Sharon Grace Angel.

Ang tinun-an sa BS Biology sa Cebu Doctors University (CDU) maayong mitubag sa Question and Answer portion sa maong beauty contest kansang tumong mao ang kampanya sa pagpanalipod sa kinaiyahan. Ang pangutana ngadto ni Salan nga mao na karun ang “Miss Go Green Ambassadress” gikan mismo ni Angel mao kini,

“What do you think is the most common environmental problem that our country is facing today and how do you preserve (sic) it?,” diin siya mitubag, ” In our daily lives, it has come to my realization that it is not environmental problem and natural disaster but humans, our capitalism and its vicious cycle.

Our way of life… we are not thinking of reciprocity, we are so devastatedly taking things from the earth and not giving back to them. We must learn to sow, cultivate and reap so we would just consume resources, we will assure the future of the generation to come, go and see the beauty of the earth, that they will see it and restore it what it should be.

And before I end up speaking tonight, I want you all to put this in mind, that the earth, we did not inherit it from our ancestors but we borrow it from our children.” Milangkob sa Top 4 sa maong pinalahi nga beauty contest nga gi-organisa ni Lapu-Lapu City councilor Atty. Ricardo “Rico” Amores mao si Mary Jholeen Panugalinog sa Philippine State College of Aeronautics (PHILSCA) isip Miss Go Green Fire, Shyne Alexis Ronquillo sa Pajo (Miss Go Green Water) ug Mae Ann Intong sa District 6 (Miss Go Green Air).

Sumala pa ni Atty. Amores kinsa chairman sa Committee on Environment sa konseho nga tumong gyud sa maong beauty contest mao ang kampanya sa pagpanalipod sa kinaiyahan. “This is really towards the campaign for environmental protection. Our environment should really be take cared of, ” si Amores miingon sa pakighinabi sa iNews.Ph. Nakig-alayon usab sa maong kalihukan ang City Environment and Natural Resources Office (CENRO) nga gipangulohan ni Engr. Roderico Tagaan kinsa mihatag usab ug pasidungog ngadto sa most environment friendly barangay nga mao ang Gun-ob; best effort in solid waste management alang sa San Vicente ug Talima ug best effort in urban gardening sa Looc, Agus, Babag, Calawisan ug Mactan.

Ang maanindot usab nga parte sa contest mao ang funwear category diin mga recycled materials ang gihimong sapot sa mga misalmot ug midaug niini si Panugalinog kinsa mao usab ang best in long gown ug Miss Ecofriendly. Napili nga Miss Photogenic si Syver Talingting sa Punta Engano ug best in production number si Sunshine Malingin sa Bankal.

Ang designer nga si Alyn Chavez-Vina ang midaug isip best designer sa funwear samtang best designer sa long gown si Mel Maria. Chairman sa maong beauty contest nga tipik sa Environmental Awareness Month (Go Green) sa syudad ang kanhi Mr. World Hunk 2011 runner-up Dandie Dimataga, barangay councilor sa Barangay Poblacion, kinsa lakip sa hosts sa malampuson nga kalihukan. Ang pagpahigayun giatul usab sa 58th Charter Day Celebration sa dakbayan./AAJ