Deputy Chief Sa Cordova Police Station gibanhigan patay.

SPO2 Deogenes Carrilo (hulagway gikan sa Cordova Police Station)

Deputy Chief sa Cordova Police Station ang gibanhigan patay sa Barangay Poblacion sa lungsod sa Cordova pasado alas 10 sa buntag (June 20, 2019). Sa report sa DYHP Cebu giila ang biktima nga si Police Chief Master Sergeant Diogenes Carillo kinsa maoy deputy chief sa Cordova Police Station.

Giingong gikan pa nga nagduty ang biktima ug padung na kining mopauli sa iyang pinuy-anan sa Lapu-lapu. Sigon pa sa report nga sa pag-agi na ni Carillo nga nagmaniho sa iyang Toyota Hilux nga kolor puti nga adunay plate number YJZ 820 kalit kining gitaparan sa riding in tandem ug dayong pusil.

Sigon pa ni Police Captain Efren Diaz, hepe sa Cordova Police Station nga wa siya masayod kon aduna bay hulga “o” kontra kini sa Carillo. Narekober sa crime scene ang walo ka mga kabhang sa bala sa wa pa matino nga armas de fuego. Ang report usab nagkanayon nga walo sab ka mga igo sa windshield sa sakyanan ni Carillo./RP