Kapin usa ka libo ka kilong karne sa baboy ug manok nasakmit sa Carbon Market.

Karne sa baboy ug manok nasakmit sa carbon market (mga hulagway gikan ni Dr. Alice Utlang)

Kapin sa 500 kilos nga imported nga karne sa baboy ug 500 sab ka kilong manok ang nangasakmit sa National Meat Inspection Service (NMIS) Regional Technical Operations Center (RTOC VII) sa may Carbon Market inabagan sa Department of Veterinary Medicine and Fisheries (DVMF) sa dakbayan sa Sugbo (June 20, 2019).

Kini ang gipahibalo ni Dr. Alice Utlang pangulo sa Cebu City Department of Veterinary Medicine and Fisheries pinaagi sa iyang Facebook account. Giingong nakalapas kini sa Republic Act 10536 kon mas naila nga “The meat inspection code of the Philippines”, diin nalatid nga ang “Hot Meat – the carcass or parts of carcass or food animals which were slaughtered from unregistered/unaccredited meat establishments and have not undergone the required inspection.

It also includes undocumented, illegally shipped, and unregistered carcass, parts of carcass and meat products coming from other countries and those that are classified as hot meat by the National Meat Inspection Service (NMIS).” Ang maong mga iligal nga karne sa baboy ug manok ang gipanglubong dayon sa mga ginsakpan sa NMIS ug DVMF diha sa kanhi Cebu City Zoo sa syudad sa Sugbo./RP