HVT sikop sa buy bust.

Ang dinakpan nga si Mike Vincent Oliamot (mga hulagway gikan sa Labangon Police)

Gihulagway sa kapulisan nga usa ka High Value Target ang ilang nadakpn ganihang buntag, Hunyo 23, 2019 didto sa Sitio Nangka Barangay Tisa siyudad sa Sugbu atol sa gihimong buy bust operation.

Si P/Major Henrix Bancoleta ang hepe sa precinto 10 Labangon Police miila sa dinakpan nga si Mike Vincent Oliamot, 22 ang edad ug molopyo sa Sitio Ponce 1, Barangay Carreta.

Nasakmit kang Oliamot ang kapin sa setecientos mil (700) pesos nga drugas atol sa gihimong pagpang-ronda, kini base sa iyang DDB value.

Dugang ni Major Bancoleta nga si Oliamot ang usa ka semana kapin nga gi monitor, kini human nga gireklamo sa nag nagpakabana nga molopyo sa maong sitio human nga kadudahan ang mga kalihukan sa dinakpan.

Usa ka poseur buyer ang misuway sa pagpalit ngadto kang Oliamot hangtud nga kini misugot sa maong transaksiyon. Gi-ingong wala kabantay ang suspetsado atol na sa transaksyon./Richie Brusas