Baker sikop sa pag panglugos sa 14 anyos.

Cebu City, Philippines – Wala ka tiwas ug pamahaw ang usa ka 20 anyos nga baker human nga siya gidakop sa mga pulis sa kasong lugos ganihang buntag, Hunyo 25, 2019 didto sa lungsod sa Poro, isla sa Camotes.

Si P/Cpl. Benjie Mabunay sa Poro Police Station nga nahinabi sa iNews.Ph mi-ila sa dinakpan nga si Patrick Gubalane, 20 ang edad ug molopyo sa Sitio Hoyhogon Barangay Esperanza sakop sa lungsod sa Poro ug usa ka baker.

Matud ni Cpl.Mabunay nga ang suspetsado pila ka bulan usab nga nag tago-tago sa awtoridad human sa pag himo sa krimen. Si Hon.Judge. Maria Josefa Pimza Ramos sa RTC Branch 25, Dakbayan sa Danao ang mi isyu ug three counts sa kasong pag panglugos, ang kaso nga gi atubang ni Gubalane nga walay piyansa.

Dugang pa ni Mabunay nga niadto pang bulan sa Nobyembre na lutsan ug kaso ang suspek apan mi sibat ug nag tago-tago sa dakbayan sa Ormoc sa Leyte. Posibleng nagtoo ang suspek nga na wala na ang bisa sa iyang kaso hinungdan nga mi uli kini niadtong milabay nga semana.

Nadakpan si Gubalane sa tabang sa mga concerned citizen nga miabag sa kapulisan. Sa impormasyon nga gipaabot ni Cpl. Mabunay usa ka 14 anyos nga dalagita nga giingong uyab uyab sa suspek ang iyang gimolestiya. Ang dinakpan himas rehas na karon sa prisohan sa Poro Police Station./Balita ni Richie Brusas