3 KA BADJAO GIDAKOP HUMAN MAKIT-I NGA NIPATAY UG PAWIKAN

Ang samaran ug patay na nga pawikan, nakompiskar gikan sa tulo ka mga badjao (mga hulagway gikan sa PRO7)

Share this on Social Media

CEBU CITY, PHILIPPINES Nagtingkagol karun sa presohan ang tulo ka mga Badjao kinsa nakit-an sa kapolisan nga milabay ug patay ug samaron nga pawikan sa kadagatan sa isla sa Caohagan sakop sa Dakbayan sa Lapu-Lapu.

Sumala pa sa report nga nahidangat sa Police Regional Office (PRO7l ang tulo naila nga mao sila si Darami Radja, 50, Julius Asamsa, 49, ug Barayan Alim, 32, mga mulupyo sa Sitio Puntod, Barangay Mambaling, Cebu City. Ang mga sakop sa Regional Maritime Unit (RMU7) ang midakop sa tulo human nga matud pa naatlan kini sa nagpatrolya nga grupo ni Major Jose Los Banos, kagahapon sa hapon, Sabado, Hulyo 6, 2019.

Nakit-an sila nga mi-labay ug pawikan sa dagat sa dihang paingon sa ilang pumpboat ang gisakyan nga patrol boat sa mga maritime police. Sa dihang gisuta, nakit-an nga samaran nga naigo diha sa iyang bayanan ug wala nay kinabuhi ang maong pawikan nga nag-utaw-utaw sa dagat hinungdan nga gidakop gilayon ang tulo. Sumala pa usab sa report naka diskobre ang mga pulis ug mga ebedensya nga ekipo sa pagpamana ug pawikan diha sa pumpboat nga gisakyan sa mga suspetsado.

Ang mga ebedensya maglakip sa duha ka (2) improvised spear guns, duha ka (2) improvised diving fins ug duha ka (2) face masks. Bisan pa nga gidili ang pagpanguha ug pawikan, pabilin nga dunay manguha niini sa kadagatan sa Lapu-Lapu, Cordova ug Bohol sanglit paliton kini ug mahal sa usa ka carenderia sa usa ka dapit sa Dakbayan sa Sugbu.

Kinaham sa mga kustomer nga sagad mga lalaki ang luto nga “nilarang nga pawikan” sa maong kan-anan sanglit sila nagtuo nga kini “aphrodisiac.” Kaniadto dunay tahu nga anaay mga Chinese restaurants nga mamalit usab ug karne sa pawikan arun isangkap sa ilang mga luto. Ang mga suspetsado pasakaan na ug sumbong kriminal ugmang adlawa./AAJ

 

Leave a Reply

Your email address will not be published. Required fields are marked *