BANA MIPASAYLO RA SA ASAWA NGA NAKIGTAGAY SUD SA USA KA MOTEL.

Share this on Social Media

CEBU CITY- Gugma ug kaluoy ang hinungdan ngano nga gipasaylo sa usa ka OFW gikan sa Japan ang iyang asawa nga iya mismong nasakpan nga nakigkuyog sa sulod sa usa ka motel uban sa laing lalaki. “Naluoy ko Sir di ko gusto nga makuan ang akong wife kay gihigugma nako siya” matud pa sa maong bana sa dihang nahinabi sulod sa Waterfront Police Station sa iNews.Ph.

Ang maong bana 28-anyos, bag-o pang niuli gikan sa Japan kay didto siya nagtrabaho isip welder sulod na sa tulo ka tuig. Tungod sa maong kaluoy gipagawas na lang usab dayon sa presohan ang iyang 24 anyos nga asawa uban sa giingong karelasyon niini nga 48 anyos.

Nasayran pinaagi sa police blotter nga mulopyo sa munisipyo sa Asturias ang manag-tiayon. Ang ka-relasyon sa babaye kinsa nagdumili sa pakighinabi nahibaw-an nga minyo usab ngadto sa usa ka maestra sa lungsod sa Oslob.

Segun sa blotter ang bana maoy nanawag ngadto sa mga sakop ni Waterfront police station chief Major Jomar Pomarejos pasado alas 11:00 ang takna sa kagabhion niadtong Dominggo. Didto nila maabti sa sulod sa Room 380 sa usa ka motel sa may Sitio Ponce 2 sa Barangay Carreta ang duha ka mga binuhat.

Ang maong babaye nasayran sa kapolisan nga nagkaila sa iyang karelasyon pinaagi sa “chat” diha sa Facebook messenger sa internet. Ang managtiayon dunay duha ka mga anak./AAJ

Leave a Reply

Your email address will not be published. Required fields are marked *