COCO MARTIN MIINDORSO SA SHELL, MILINGAW SA MGA SUGBUANON

Share this on Social Media

MANDAUE CITY, PHILIPPINES- Nahugyaw ang crowd sa mga Sugbuanon sa Oakridge Pavillion ning maong syudad human nga nakigduyog kanila ang sikat nga artista ug endorser nga si Coco Martin ( Rodel LuisPacheco Nacianceno sa tinuod nga kinabuhi) atul sa Cebu Trade Partners Convention sa Shell lubricants niadtong Sabado.

Game kaayo ang bida sa FPJ series nga, “Ang Probinsyano” ngadto sa mga mitambong nga naglakip sa Cebu media sanglit human sa iyang song numbers, nakahigayun gyud ang tanan sa pagpa “groupie photo” ngadto kaniya. Sa iyang pagkigsulti sa maong programa nga gi-host sa maanyag ug witty nga si Blinky de Leon, gipadayag ni Coco ang iyang personal nga kasinatian ingon man sa iyang pamilya sa kamaayo ug kaepektibo sa Shell lubricants.

Sumala pa sa asoy ni Coco, ang iyang amahan mismo tig-gamitan na niini, ang Shell Rimula heavy-duty engine oil ngadto sa ilang jeep nga mao ang ilang panginabuhian kaniadto. Matud pa niya ang pagpamasada ug jeep nasunod sa iyang amahan ngadto sa iyang lolo ug tungod niana nainpluwensya siya unsaon sa pagmintinar sa makina sa sakyanan ginamit ang Shell products. “Naaalala ko na inaalagaan namin ng mabuti ang sasakyan na pinapasada niya noon, kaya yung tatay ko Shell Rimula talaga ang ginagamit at wala nang iba,” matud pa ni Coco.

Nakadugang sa ka-alegre sa maong okasyon ang door prizes nga gipanghatag sa raffles ug ang “bidding” sa motorsiklo ug appliances ngadto sa mga Shell distributors ug retailers. Ang mga mi-order ug daghan nga produkto maoy midaug sa maayong klase nga motorskilo diin nahukman nga tulo ka tawo ang mudaug tungod kay pulos daghan ang ilang mga orders sa Shell lubricant products nga ang endorser ug brand ambassador niini walay lain mao si – Coco Martin./AAJ

 

Leave a Reply

Your email address will not be published. Required fields are marked *