SA OPON ANG KONSEHAL NGA DILI MAG-ILIS UG TARONG, DI PASULTIHON

Recess sa Lapu-Lapu City council kagahapon, Hulyo 10, 2019

Share this on Social Media

LAPU-LAPU CITY, PHILIPPINES – Kun dili mag-barong o kun dili mag coat and tie ang sakop sa konseho ning maong syudad, dili siya pasultihon. Kini maoy gisupak ni Hon. City Councilor Efren Herrera kinsa mibarug gyud ug nakiglantugi kagahapon sa hapon sa iyang mga kaubanan sa konseho sa dihang nahisgutan ang ilang “internal house rules” panahon sa ilang sesyon sa 15th Sangguniang Panlungsod (SP).

“Supak gyud ko nga dili pasultihon. We are the voice of the people unya did-an na hinoon,” matud pa ni Herrera dihang nahinabi siya sa Inews.Ph human sa ilang 1st regular session kagahapon. Ang iyang gisupakan mao ang RULE lll (Duties and Responsibilities of a Member) Section 4. Attire, diin nagkanayon, “Male sangguian members shall wear coat/suit with or without tie or Barong Tagalog while female members shall wear any business attire.

Members who fail to observe this required attire will be allowed to remain and be considered present BUT CANNOT PARTICIPATE IN THE DELIBERATION (emphasis supplied). However, they may still vote as needed.” Si Herrera kinsa nasublian sa iyang termino, miingob nga dili makatarunganon ang maong house rules sanglit supak kini sa “freedom of speech” nga nalatid sa batakang balaud ilabi pa nga mga sakop sila sa konseho nga gipili sa katawhan.

“I hope this will be amended Mr. Chairman because this is a violation of the contitutional right,” sumala pa sa maong konsehal. “Mr. Chairman please, Councilor Herrera is banking on the fact that the right to speak under our constitution. With all due respect, Mr. Chairman please, the right to speak is not absolute, it can be regulated, so our call Mr. Chairman please, we must attire in honorable way so that we could speak in this august body,” si Konsehal Rico Amores kinsa usa ka abugado misulti sa iyang bahin sa hawanan sa konseho.

“The manifestation of Honorable Herrera be noted Mr. Chairman. However the proponent, it is not amenable to the proposed amendment Mr. Chairman because although the constitution provides the right to speak Mr. Chairman however, according to the Honorable Amores, and I agree, that is not absolute. Mr. Chairman, it can be regulated and as members of this august body, we must dress properly Mr. Chairman so that we could participate in the discussion of this council,” si Konsehal Flaviano Hiyas, ang majority floor leader kinsa abugado usab ug maoy proponent sa maong house rules nagkanayon.

Si Konsehal Nelson Yap nga abugado usab ug lain pang konsehal nipadayag usab sa ilang mga baruganan hinungdan nga mitaas pa ang lantugi ug mihukom ni Bise Mayor Celedonio Sitoy, ang presiding officer, nga muhimo ug recess arun maundang ang panagbayluay ug mga katarungan sa mga konsehal. Pagbalik sa sesyon pipila ka minutos, nakahukom ang konseho nga ibutang lang sa minutes ang pamahayag ni Konsehal Herrera.

Si Herrera miingon nga uyon siya nga pamultahon ra o i-reprimand ang sakop sa konseho nga dili makasunod sa ilang nauyonan nga “attire” sanglit matud pa niya mahinungdanon gyud nga makasalmot sa debate ug diskusyon ang usa ka sakop sa konseho. Gipananglitan ni Herrera ang nahitabo niya kaniadto nga wala siya pasultia sa sesyon kay wala siya musunod sa nasabutan nga isul-ob.

Misugilon si Herrera nga gikan siya niadto sa usa ka byahe mao nga wala na makailis sa gikasabutan nga sapot ug tungod kay dili sakto ang iyang attire, wala gyud siya paapila sa lantugi. “Uyon ra ko nga pamultahon unya i-reprimand basta dili lang nga dili ta apil sa discussion kun wala ta maka-attire,” dugang nga pagpasabot sa konsehal.

Ang internal house rules himuan pa ug “style” sa SP Secretary ug mahibaw-an sa ilang gikasabutan nga nausab nga session day matag “Huwebes” sa hapon sa sunod semana kun makarga ba ang gustong mahitabo ni Herrera. Myerkules ang sesyon kaniadto sa konseho ug kini gibalhin na sa Huwebes./AAJ

 

Si Lapu-Lapu City councilor Efren Herrera

 

 

House Rules sa Konseho sa Lapu-Lapu City

 

Leave a Reply

Your email address will not be published. Required fields are marked *