TOKHANG BATOK SA RAPIST IPATUMAN NI VINLUAN

Share this on Social Media

CEBU CITY- Kadtong mga rapists sa Dakbayan sa Sugbu, bantay mo kay “tokhangon” mo.

Kini maoy gibutyag sa bag-ong hepe sa Cebu City Police Office Colonel Gemma Vinluan.

“Kung may Tokhang sa involved sa drugs, gusto kong tokhangin lahat ng rapists dito sa Cebu,” pagbutyag pa ni Vinluan human sa iyang pormal nga paglingkod isip Cebu City Police Office Acting City Director kagahapong adlawa, Huwebes, Hulyo 11, 2019, hulip ni Col. Royina Garma didto sa Camp Sotero Cabahug.

Si Vinluan miingon nga lakip sa iyang “Tokhang” ngadto sa mga “rapists”, tutukan sab niya ang mga rape cases ingon man mga kaso sa child abuse.

Siya mao ang kanhi hepe sa PNP Women and Child Proctection Desk (WCPD) sa Camp Crame diin iyang giingon nga siguruhon sab ubos sa iyang pagdumala nga makaangkon gyud ug hustiya kadtong mga biktima sa pagpanglugos sa syudad.

Usa sa mga gipangita karun sa mga awtoridad mao ang usa ka abogado nga kanhi magsisibya ug FM station nga nalutsan gyud ug warrant of arrest sa kasong rape ngadto sa anak sa labandera sa iyang kanhi kauban sa programa sa radyo.

Samtang dunay tokhang batok sa mga rapists, gibutyag usab ni Vinluan nga panghiposon ang tanang mga libud-suroy (street children) sa syudad ilabi na ang kadtong mga nagumon sa paghingos sa solvent nga “rugby.”

“Yung mga street children na nai-involve sa rugby, ihanda ninyo ang inyong mga sarili, makipaghabulan tayo sa mga batang ito.”

Lakip usab sa ipatuman nga programa ni Vinluan ang pagtukod ug all-female Special Weapons and Tactics Team (SWAT) diin iyang pilion kadtong mga babayeng police nga ipaubos sa rigid training nga maglakip sa pagbansay kanila sa martial arts.

Bisan tuod ug subsob ang ilang kampanya batok sa kriminalidad, gimanduan hinoon ni Vinluan ang tanang mga Cebu City policemen nga kanunay gyud nga muabi-abi mgadto sa katawhan.

“Gusto ko lahat ng polis na nasa daan, lahat ng polis na nasa pollice station kapag my lumapit sa inyo nakangiti kayo. Bawal ang nakasimangot. Gusto kong maramdaman ng community na narito tayo para maglingkod sa kanila,” dungan sa pag-ingon nga gusto sab niya nga hamugaway ang mga police stations ug limpyo ang mga pansayan,”Gusto kong pag pumasok ako sa inyong rest room, mayroong alcohol at tissue doon na hindi nangangamoy ang CR pwede pang mag merienda sa loob.”

Samtang matud pa niya nga “transformational” ug “motivational” ang iyang paagi sa pagdumala, iyang gipasidan-ang mga polis, ilabi na ang mga hepe nga magtarong gyud sa ilang trabaho.

“At sa mga kapolisan lalo na sa mga hepe, yung lahat ng sinimulan ni Garma ay huwag kayong mag-re-relax. Mukha lang akong mabait tingnan sa kanya but I have many dragons inside of me, huwag natin silang palalabasin.”

“Gusto kong kilalanin ang Cebu City, the finest city not only in region seven but in the entire Philippines,” matud pa ni Vinluan isip tumong sa iyang pamunuan.

Classmate sila ni Col. Garma sa Philippine National Police Academy (PNPA) 1997 Kapanalig class.

Gitudlo si Garma isip bag-ong General Manager sa Philippine Charity Sweepstakes Office. (PCSO).

Si Col. Vinluan kapikas ug lain usab nga police officer nga atua ma-assign sa Camp Crame.

Nagpuyo sila Pampanga apan ang amahan ni Vinluan nga kanhi polis usab gikan sa lalawigan sa Zambales.

Mipanaw na ang iyang inahan kinsa usa ka magtutudlo.

Giingon ni Vinluan nga hingpit ang iyang pagtuo sa Diyos ug gani mihugot gyud kini human sa gidangatan sa iyang kamanghuran nga anak nga nahatagan gyud ug medical attention didto sa Amerika bisan pa sa kadako sa gasto niini.

Natubag ang iyang pag-ampo dihang nahiluna gyud ang surgeries sa mao niyang anak sanglit ang tanang galastuhan nga mikabat sa US$1,000,000, 000.00 gitubag sa medical insurance nga nakuha nila dihang ang iyang bana na-assign ug PNP contigent sa United Nations diin apil ang coverage sa tibuok nilang pamilya./AAJ

Leave a Reply

Your email address will not be published. Required fields are marked *