GEN. LOOT MUPAIMBESTIGAR SA NBI SA PASANGIL NGA KALAMBIGITAN SA DRUGAS

Vicente Loot (internet photo)

Share this on Social Media


CEBU CITY, PHILIPPINES- Gen. (ret.) Vicente Loot misuwat ngadto sa National Bureau of Investigation (NBI) nga siya imbestigahon. Kini human sa pagtumaw sa tahu nga giingong nalambigit na usab ang kanhi police General ug Mayor sa Daanbantayan sa illegal drug activities.

Mismo si Pres. Rodrigo Duterte ang mibutyag nga nahilambigit na usab si Loot sa maong illegal nga kalihukan hinungdan nga mihisgot na usab siya sa pangalan ni Loot. Didto himua sa Presidente sa Malacanang niadtong Hulyo 8 ang paghisgot niya nga dala gihapon ang pagmalikas ngadto sa kanhi opisyal sa kapolisan ug politiko.

“Buhay pa man siguro hanggang ngayon. Pati ‘yang p_ _ _ _ _ i _ Loot na ‘yan, general ng pulis. Nakita ko siya, sabi ko, “Ikaw, p _ _ _ _ _ i _ _ ka. Isa ka pa.” It’s treason, actually. Police general ka, papasok ka ng ganun. Tsk. Ayon, dalawang beses na inambush ang buang. Buhay pa rin. Pangatlo na. G _ _” matud pa ni Pres. Duterte.

Si Loot miawhag sa NBI Central Visayas (NBI CEVRO) nga siya imbestigahon sanglit wala may kamatuoran ang pasangil batok kaniya.

Knowing I am innocent of the charges from the very start, I respectfully request an independent investigation to be conducted by your office on the matter to establish the truth, past and present,” nagkanayon si Loot sa iyang suwat nga dunay petsa nga Hulyo 13, 2019 ngadto sa NBI CEVRO diin yang gihatagan ug kopya ang lokal nga media.

Nangtarungan si Loot nga biktima lamang siya sa pangpadaot ug pagpakatap sa sayop nga inpormasyon nga gituhuan sa Presidente. Matud pang General Loot andam siya nga atubangon ang maong isyu ug bukas usab siya nga sukit-sukiton ug muhatag ug inpormasyon kalabot sa iyang kinahuhi ug kalihukan kun kini kinahanglanon.

Gilakip ni Loot sa iyang suwat ang kopya sa investigation report sa Criminal Investigation and Detection Group (CIDG Cebu) niadtong 2016 nga naglimpyo na kaniya labot sa maong pasangil. Si Loot ug ang kanhi PRO7 Regional Director Gen. (Ret.) Marcelo Garbo lakip sa gipanghinganlan ni Pres. Duterte nga mga “narco-generals” sa nasud.

Si Garbo wa na igkita samtang si Loot bag-o pang nitapos sa iyang tulo ka tuig nga pagserbisyo isip Mayor sa Daanbantayan. Gipulihan si Loot sa iyang step-son nga si Sun Shimura nga matud pa sa CIDG report mao ang anak sa kapikas ni Loot nga si Bise Mayor Ma. Luisa ngadto sa usa ka Japanese national.

Ang Japanese national nga amahan ni Mayor Shimura mibilin ug daghang kabtangan ngadto sa Bise Mayor sa dihang sila nagkabuwag mao nga naadunahan si Gen. Loot sa dihang nagkaminyo sila ni Ma. Luisa. Ang PRO7 mihimo na usab hinoon ug pag monitor sa kalihukan ni Loot nga nasayran nga dunay panimalay sa Mandaue City ug didto sa Daanbantayan.

Subay sa report sa CIDG Cebu, si Loot nanag-iya usab ug condo didto sa Metro Manila./AAJ

Leave a Reply

Your email address will not be published. Required fields are marked *