Nagkaon ug puto, gipusil

Share this on Social Media

Dead on the spot ang usa ka 46 anyos nga ulitawo human pusila sa wa mailhing suspek sa may Cabantan St., Brgy. Luz, Cebu City mga pasado alas siete sa buntag (July 21, 2019). Giila ang biktima nga si Manuel Daposala, 46 anyos residente sa naasoy nga lugar.

Sa pasiunang imbistigasyon sa kapolisan nga nagkaon ug puto ang biktima daplin sa karsada ug dihang padung na kining moinom ug tubig, gipusil kini sa nag-inusarang suspek nga nagsul-ob ug grey nga t-shirt ug nakashort nga kalit lang mibutho sa lugar.

Gitangkugo sa pagpusil ang biktima ug duha ka samad pinusilan sa dughan nga hinungdan sa iyang hinanaling kamatayon. Kapolisan padayon pa nga nagpakisusi sa motibo sa mao nga krimen./Romeo Marantal

 

 

Leave a Reply

Your email address will not be published. Required fields are marked *