Tawo nga gipatay ug gibitay sa taytayan sa Talisay, nailhan na.

Share this on Social Media

TALISAY CITY, CEBU –  Sayo sa buntag, Hulyo 22, 2019, na bulabog ang mga residente sa Barangay San Isidro sa dakbayan sa Talisay dihang dunay usa ka lalaki nga nakit-an nga nagbitay sa taytayan.

Bakos sa iyang karsones maoy gigamit sa pag hikot sa mga kamot niini samtang gi bitay sa taytayan gamit ang baga nga alambre nga gihikot sa liog sa biktima gitabonan pa ang nawong aron dili mailhan dayon. Gipakapinan usab ug karton nga papel sa nagbitay nga lalaki sa taytayan nga naka paskin “Ayaw ko sunda tulisan ko”

Gi ingong maoy pag sidlak sa haring adlaw ug didto na diskobrehan ang nag bitay nga lalaki sa taytayan sa Sitio Isla Verde Barangay San Isidro. Si P/Capt.Nazareno Emia ang deputy chief sa Talisay City Police Station nga nahinabi mi ingon nga ang maong lalaki sulod gawas na sa prisohan sa nagkalain-lain nga kaso subay sa mga nakuha nga kasayuran sa pagkatao sa biktima ngadto na sa mga ka silingan niini. Samtang gi ila ni Capt. Emia ang maong biktima nga si Reynante Otero, 41 ang edad ug molopyo sa Sitio Ilang-Ilang, Barangay San Isidro dakbayan sa Talisay.

Matud pa ni Emia nga si Otero sulod gawas na sa prisohan sa kasong pagpanulis ug ingon man paghupot ug armas, kalapasan sa Akta Republika 10591 sa mga nang labay nga mga tuig. Ang kapulisan sa dakbayan sa Talisay mopa ilawom gyud sa ilang imbestigasyon kalabot na sa pagsulbad sa kaso sa pamaagi nga mailhan ang mga mihimo sa pag patay sa biktima.

Sa kasamtangan mopukos una sila sa background sa biktima sa iyang pagka notadong tulisan kon posible ba nga ang pag hukom nga kutloon ang kinabuhi niini tungod kay dunay na biktima sa pagpanulis nga na iyang na biktima, apan tanan nga anggulo sa posibleng maoy motibo sutaon usab sa kapulisan.

Sa inisyal nga mga kasayuran nga nakuha sa pnp posibleng gi pusil una si Otero subay sa mga agi sa bala human ma tusak tusak ang lawas niini ug gibitay dayon sa taytayan. Si Konsehal Alicia Alcover ang konsehal sa Barangay San Isidro nga nahinabi mi butyag nga pasado alas 3 kaganihang kadlawon nga siya naka dungog ug pila ka mga buto sa armas apan wala panumbalinga ang maong mga sa buto, sa pagtoo nga duna lang mga nagpabuto ug mga pabuto ug natulog nalang ug balik gikan nga naka mata human sa mga nadunggan mga buto buto.

Dihang naka hibawo si Konsehal Alcover nga dunay na palgang patay nga lawas sa lalaki dihang misidlak na ang adlaw, si Alcover mi supporta usab sa pamahayag sa kapulisan kalabot na sa pagkatao sa biktima sa pagkalambigit ni Otero sa pipila sa insidente sa pagpanulisi.

Samtang usa sa nagpuyo sa duol ang nahinabi, miingon nga gawas notadong tulisan si Otero, duna usab kini kaso sa pagpanulis ug pagkalambigit sa pagpamaligya sa ginadiling drugas. Ang mga sakop sa SOCO naka rekober ug mga bala ingon man pisi ug alambre nga maoy gigamit sa pagbitay sa maong biktima./Richie Brusas

 

 

 

 

 

 

Leave a Reply

Your email address will not be published. Required fields are marked *