MANDAUE CHARTER DAY ACTIVITIES ILUSAD

MANDAUE CITY, CEBU- Sa tema nga “Conquering Challenges, sustaining Development for our Future” ubay-ubay nga mga kalihukan ang gihan-ay sa Dakbayan sa Mandaue alang sa ika 50 anyos nga kasaulugan sa ilang Charter Day karong umaabot Agosto 30, 2019.

Sa gipatawag nga press conference sa buhatan ni Mandaue City Mayor Jonas Cortes, iyang gianunsiyo ang ilang mga aktibidades nga sugdan ugmang adlawa Agosto 1, pinaagi sa usa misa ug sundan kini sa parade nga pagatambungan sa mga kawani sa LGU sa Mandaue, mga private ug business group nga gipanguluhan ni Stanley Go, Presidente sa Mandaue City Chamber of Commerce and Industry (MCCI) uban nila Steven Yu, VP for Internal Affair ug Keith Co ang nangulo karon sa Mandaue Business Month.

Subay niini nipasabot ang grupo nila ni Go nga agig pasalamat kang Mayor Cortes gumikan sa pagka business friendly niyang pamaagi, ug pagsuporta sa maong kalihukan ang ilang mga kaubanan nangamdam ug mga kalihukan usab nga haum para sa komunidad.

Hisgutan ang health, environment, seminar sa negosyo ug uban pa nga kalihukan nga makatabang dili lang sa business group apan sa kaayuhan sa tibuok Mnadaue nga mamahimung lig-on ug future ready community.

Dugang niini ang MCCI nagpasalamat ni Cortes nga nahimong tipik sa Business Month ug Golden Charter Day Celebration sa Mandaue ang nahisgutang mga aktibidades.

Gi-anunsiyo sab ni Mayor Cortes ang ubang activities sama sa sports, beauty pageant, job fair, Trabaho ta Bai (Local and Overseas), Balagtasan sa Parkmall ug magpadayon ang naasoyng business month pinaagi sa Gala Night Hiyas ng Cebu./tahu ni Gene Valenzuela