OPISINA NI CONG. RADAZA’S GI-PADLOCK

ang gi-padlock nga opisina ni Cong. Paz Radaza (photo courtesy of Rhandi Gorion/CCTN)

Share this on Social Media

CEBU CITY, Philippines- Gi padlock na gyud ang congressional office ni Lapu-Lapu City Congresswoman Paz Radaza nga naa mahimutang sa city hall sa maong syudad.

Kini human nga niisyu na usab ug laing notice to vacate si Mayor Junard “Ahong” Chan ngadto ni Radaza nga pinetsahan ug Agusto 9, 2019. “Notice is hereby given directing you to vacate the office space before the end of the business day,” tipik sa maong suwat ni Chan nga nadawat usab sa mga tinugyanan ni Radaza.

Apan si Radaza kinsa mihinaway sa maong gibuhat ni Chan diha sa iyang Facebook post mihatag na gyud ug statement ngadto sa media karung adlawa nga holiday ug walay trabaho sa gobyerno human niya mahibaw-i nga hingpit na gyud nga gi-padlock ug gisirhan ni Chan ang mao niyang opisina.

Ang gibuhat ni Chan mao ang pagtakub sa opisina ug plywood diin dunay kandado butang nga wala mauyuni ni Radaza sanglit matud pa sa Congresswoman dunay pending nga kaso sa korte labot sa maong isyu.

“What they did should be again surprising. They are doing this with full knowledge of pendency of the case. Can’t they respect the court?,” segun pa sa maong pamahayag ni Cong. Radaza.

Sa iyang notice to vacate, gihimong basehanan ni Chan ang legal opinion sa Department of Interior and Local Government (DILG) nga sumala pa “invalid” ang ordinansa nga nagtugot ni Radaza nga makaokupar sa maong opisina sa city hall apan matud pa ni Radaza nga magpabilin kini nga opinyon sanglit dunay nag-ung-ong nga kaso sa korte.

Gihulagway ni Cong. Radaza nga dunay “abuse (abuso)” ang gihimo ni Mayor Chan. “Besides, the DILG opinion, which we expected already in view of the previous verbal pronouncement of the secretary, is nothing more than an opinion.

An opinion as we all know cannot repeal, annul or invalidate an ordinance. They should have also asked the DILG about this. But then again, we are almost used to suprises from our Honorable Mayor. With all these, he seems has the tendency to abuse,” dugang pa ni Cong. Radaza.

Miingon si Radaza nga iyang giingnan ang iyang mga staff nga padayun gihapon nga mu-report sa ilang trabaho ugma. “To my staff, I told them to continue working. Dili sama nila, dili man ta manglungkab. Pero magpadayon ang atong serbisyo sa katawhan.

Mao nang I instructed them to just continue to work.” Niadtong Hulyo 1, pila pa lang adlaw miasumir si Chan sa pwesto, una na kining miisyu ug “24 hours notice to vacate” ngadto Radaza apan wala kini niya mapatuman hangtud nga nisangpot niining mao niya nga bag-ong notice to vacate nga misangpot na gyud sa pag- padlock sa nahisgutang opisina ni Congresswoman Radaza./AAJ

 

ang atubangang bahin sa opisina ni Cong. Paz Radaza

 

 

Leave a Reply

Your email address will not be published. Required fields are marked *