DIAMANTE UG LAGON NAGHIUSA NA SA TUBURAN

Si Tuburan Mayor Danilo Diamante (ikaduha gikan sa wala), Ako Bisaya Cong. Sonny Lagon (ikatulo) ug Bise Mayor Aljun Diamante ug ang ilang mga classmates sa PNPA 1996 Kaagapay Class (contributed photo)

Nagkakontra sa politika sa dugayng panahon apan nagkahiusa na sila karun. Kana mao ang nahitabo ngadto nila ni Tuburan Vice Mayor Democrito “Aljun” Diamante ingon man ni Ako Bisaya partylist Congressman Sonny Lagon.

Nagkauli ang duha human pulos sila gihimo nga mga “adopted classmates” sa Philippine National Police Academy (PNPA) Kaagapay Class of 1996.

Ang Kaagapay Class mipahigayun sa ilang fellowship meeting kagahapon, Sabado, sa Cebu Technological University (CTU) Tuburan campus, Agosto 17, 2019 diin mitambong ang mga iladong PNPA 1996 class members. Lakip sa mga mitambong segun pa ni Diamante mao sila si Colonel Edilberto Leonardo, hepe sa Criminal Investigation and Detection Group (CIDG 11) nga nagbase sa Davao City.

Si Leonardo gikatahu nga usa sa mga direktang sinaligan mismo ni Pres. Rodrigo Duterte. Ang nahimong mga yawi usab sa panag-hiusa nila ni Diamante ug Lagon mao ang PNPA 1996 class President Col. Rommel Ochave, hepe sa CIDG Region 1 ingon man si PATROL partylist Congressman Jorge Antonio Bustos kinsa sakop usab sa PNPA 1996 class.

Segun sa iyang FB post, ania ang paghulagway ni Bise Mayor Diamante sa makasaysayanon nila nga panaghiusa nila ni Cong. Lagon, “After a long journey, as it says, there is a rainbow after the rain.

Diamante and Lagon are finally unified. PNP Kaagapay Class of 1996, initiates the toast of UNITY for Diamante and Lagon unification. As they believed in Unifying rather than dividing.

Our former Mayor currently our Vice Mayor Democrito ‘Aljun’ M. Diamante is an adopted member of PNPA Kaagapay Class of 1996 while our very own Congressman Sonny Lagon of Ako Bisaya Partylist is also endorsed as an adopted member as well.

“Si Diamante nakaatbang sa kapikas ni Cong. Lagon nga si Daphne niadtong 2013 ug 2016 elections pagka-Mayor sa Tuburan ug sa 2019 elections si Daphne nakaatbang usab sa igsoon ni Bise Mayor Diamante, ang kasamtangang Mayor Danilo Diamante. /AAJ