JANITOR NGA NANGAWAT UG ALAHAS SA IYANG GITRABAHUAN SIKOP

Share this on Social Media

Ang suspetsado nga nadakpan sa kapolisan (Photo courtesy of Pardo police station)

 CEBU CITY, Philippines- Gisikop sa kapolisan ang usa ka janitor kinsa gitumbok nga nangunay ug pangawat ug mga alahas sa tindahan nga iyang gitrabahuan.

Giila ang suspetsado nga si Jeffrey Badilles Balesoro, 32, lumad nga taga Alicia, Zamboanga Sibugay apan kasamtangan nga nanimuyo sa Brgy. Basak-San Nicolas ning maong syudad.

Segun sa mga tinugyanan sa Pardo Police Station miagi sa kisame ang suspetsado pasado ala 1:00 ang takna kagahapon sa kaadlawon apan dunay nakasaksi nga iya kadtong gibuhat hinungdan nga siya gidakop. Giguba pa niya ang CCTV sa tindahan apan tungod sa saksi mi-report sa kapolisan ang management sa tindahan nga mao ang Prince Warehouse Club sa Bulacao.

Na-recover sa mga mi-respondi nga polis nga sila si Cpl. Wendel Mark Lagunzad ug Cpl. Reco Cabatuan ang mukabat sa P240, 848.10 nga mga alahas gikan sa suspetsado. Tukmang kaso segun sa iyang salaud nga nahimo ang ipasaka sa kapolisan batok sa maong janitor. /AAJ

Leave a Reply

Your email address will not be published. Required fields are marked *