P9 MILYONES NGA SHABU NASAKMIT SA MAMBALING

Si Cebu City Police Director Gemma Vinluan (nagsul-ob ug fatigue) kinsa niadto sa maong dapit

Si Cebu City Police Director Gemma Vinluan (nagsul-ob ug fatigue) kinsa niadto sa maong dapit

CEBU CITY, Philippines- Nasakmitan ug kapin sa P9 milyones nga shabu ang upat ka mga tawo kaganihang tungang gabii sa Barangay Mambaling, Dakbayan sa Sugbu.

Sa report nga nahidangat sa Police Regional Office (PRO7) didto mismo sa maong dapit si Cebu City Police Director Gemma Vinluan sa Sitio Viking diin nasikop ang nag-unang suspetsado nga si Benerando Generoso, 27, alias Junjun kinsa gitumbok nga usa ka High Value Target (HVT).

Gidakop usab ang iyang mga kauban nga sila si Joven Gemperoso, 29, Beverlyn Medina, 26, ug Regie Medina, 29, kinsa mga mulopyo ra usab sa maong dapit.

Ang mg dinakpan sa Sitio Viking, Brgy. Mambaling.

Mga tinugyanan sa Labangon Police Station (PS 10) nga gipangulohan ni Maj. Henrix Bancoleta ang nipahigayun sa operasyon pasado alas 12:00 sa tungang gabii kaganiha pinaagi sa usa ka buy-bust operation.

Miabot ug kapin sa usa kilo nga shabu ang nakuha gikan sa grupo nga gisulod ug bag diin didto ang 53 ka mga pakete sa gituhuang illegal nga drugas.

Sanglit usa ka buy-bust ang maong operasyon ang poseur buyer nga polis migamit ug P40, 000 nga boodle money diin ang ibabaw nga P500 bill mao ra ang tinud-anay nga kwarta.

Gikatakdang pasakaan ug kasong kriminal ang mga dinakpan karung adlawa sa piskaliya. /AAJ