POLIS NGA NAPATAY SA MINGLANILLA NAAMONG SA FRATWAR

CPPO Deputy Provincial Police Director Eloveo Marquez

Share this on Social Media

Kadtong polis sa Minglanilla kinsa gipusil patay samtang diha sa patrol car naamong ra sa misilaob na usab nga fratwar sa duha ka mga inilang fraternity sa Sugbu.

 

si kanhi Staff Sergeant Alfredo Pagaling kinsa naamong sa fratwar.

 

Kini maoy gikunpirmar mismo sa usa ka dakong opisyal sa Cebu Police Provincial Office (CPPO) kinsa nahinabi sa mga tigbalita karung adlawa.

“Basi sa report sa atung operative ang gunman gyud is katong sa San Fernando. That is based on intel report kay mao man tuy kuan ilahang gyung hitman sa grupo sa _ _ _ _ _ _ _ _, sa kaning grupo sa fraternity,” matud pa ni Lt. Col. Eloveo Marquez, ang CPPO deputy provincial director for operations.

Si Manugas, 31, nga taga Barangay Sangat dunay warrant of arrest sa kasong murder apan nisukol kini sa grupo ni San Fernando chief of police Maj. Lymel John Pasquin kinsa maoy mi-serve sa warrant nga gipirmahan ni Judge Joy Redoble sa RTC branch 77 sa Carcar City.

Matud pa sa intel report nga kuyog nga namusil ni Manugas si Jesmer Fernandez kinsa napatay sa lahi nga police operation sa Sitio Cambuntan, Bolinawan, Carcar niadto gihapon nga adlawng lunes.

Si Fernandez positibong giila sa ilang gipusil niadtong kaadlawon sa Agosto 31 nga si Jude Romarez nga maoy nagmaneho sa motorsiklo dihang siya gipusil sa Linao, Dakbayan sa Talisay.

Si Romarez sakop sa pikas nga fraternity nga maoy kontra sa duha ug sumala pa ni Marquez nga natahapan lang sa mga napatay nga sila si Manugas ug Fernandez nga mi-respondi sa maong pagpamusil ang polis nga si Pagaling.

Si Pagaling diha sa sulod sa patrol car sa Lipata, Minglanilla nga duol ra sa dapit diin gipusil ang fratman nga si Romarez.

Naigo sa ulo ang maong polis hinungdan nga nakabsan gyud kini sa kinabuhi.

Ang duha ka mga fraternity naila kaayo sa Sugbu ug gani diha nay mga hitabo kaniadto nga nagbinaslanay sila hinungdan nga dunay nangakalas sa ilang isig ka habig./AAJ

Leave a Reply

Your email address will not be published. Required fields are marked *