PBGen Sinas mopa-imbistigar sa viral video sa dalagitang tinun-an nga giingong gimolestya.

Mga suspects sa viral video

Share this on Social Media

Ang na viral video sa usa ka dalagita nga tinun-an sa usa ka dakong unibersidad sa downtown Cebu City nga giingong gimolestya sa upat ka lalaki nga mga estudyante sab sa mga dagkong unibersidad sa sugbo ang gipaimbestigar karun sa Criminal Investigation and Detection Group (CIDG) Central Visayas.

Base sa video nga nakuha gikan sa video na myday o story sa instagram sa usa sa mga account sa lalaki nga nimolestiya, ang maong babae nga wala nay panimuot ug hubog kay gihuboan sa taas nga parte sa iyang lawas ug gihinol sa upat ka suspetsado samtang sakay kini sa usa ka wala pa mailhing sakyanan.

Samtang gihuboan kini nila ang maong babae, gibugalbugalan sab kini ug gi insulto bahin sa iyang parte sa lawas. Matod sa chief legal counsel sa maong unibersidad nga ila nang gi-submit ang mga pangalan sa upat ka mga lalake kung tinuod ba nga ila kining estudyante lakip na ang babaye nga maoy gitabangan paghinol.

Nihangyo ang chief legal counsel sa maong unibersidad nga dili sa nila nganlan ang upat ka estudyante samtang nagpadayon ang imbestigayon batok nila.

Ang Criminal Investigation and Detection Group (CIDG) Central Visayas mosugod na usab sa ilang imbestigasyon ug nakig-alayon na sila sa maong tunghaan.

Gi awhag sab ni Police Brigadier General Debold Sinas, Regional Director sa PRO-7 nga mo adto ug mo sulti sa ilang bahin ang maong biktima ug e report sa mga awtoridad. “Kung gusto nila diri sa among opisina pero the best na adtoan nila is kining atong City director sa Cebu City, kay kabalo mo kining si Colonel Gemma Vinluan usa sa iyang mga expertise is women’s desk concern,” matod pa ni Sinas.

“We’ll just investigate what really happened, kwaon sa namo ang identities sa mga tawo nga involved ato. Once ma identify, dali nalang maghunahuna kung kato bang babaye didto magkaso.” dugang pa ni Sinas.

Kung mailhan na ang maong mga lalaki ug mapamatud.an nga sila ang anaa sa video, possible nga makasuhan sila ug kaso na Cybercrime law ug RA 9995 o Anti-Photo and Video Voyeurism Act of 2009 “the act of taking photo or video coverage of a person or group of persons performing sexual act or any similar activity or of capturing an image of the private area of a person or persons without the latter’s consent.”

 

 

 

 

 

 

 

 

Leave a Reply

Your email address will not be published. Required fields are marked *