2 PATAY SA ENGKWENTRO SA KAPULISAN SA BRGY. BANGBANG, LUNGSOD SA CORDOVA

Ang usa sa namatay nga gi-ingun nga nisukol sa mga pulis nga nagsurveillance sa Barangay Bangbang, Cordova, Cebu

Share this on Social Media

Ang gipahigayong case buildup sa mga sakop sa Cordova Police Station sa Purok Kumpang Brgy Bangbang lungsod sa Cordova nahitabo pasado alas 2 kahagapon sa hapon Miyerkules. Gi ingun nga nisukol ang subject unta sa ilang surveillance nga usa ka kanhi pulis nga mi-awol ug mga kauban niini.

Ang subject unta sa case buildup sa kapulisan sa Cordova mao si Lowel “Boyet” Pacallago kinsa usa ka high value target HVT sa provincial level sa kapulisan ug dugay nang gipangita human mi-AWOL sa serbisyo.

Matod ni Police Captain Efren Diaz Jr. Ang hepe sa Cordova Police Station nga nakadawat sila ug tip mahitungod sa nahimutangan ni Pacallago sa panimay sa usa ka Arbeth Arvillon sa Brgy Bangbang hinungdan nga ila kini nga gi-verify unta. Apan naabtan nilang nag-pot session kini si Pacallago, Arvillon ug mga kauban niini sa usa ka libonong bahin haduol sa panimay ni Arvillon nga adunay langob-langob.

Giingong unang gipabuthan sa grupo ni Pacallago ang mga pulis nga nag surveillance hinungdan nga napugos sila pagbawos mga misangpot sa engkwentro. Nakalas atol sa engkwentro si Arvillon ug laing usa ka Arnel Macan mga pulos mga taga Brgy Bangbang apan nakasibat si Pacallago ug laing kauban niini human nga midagan sa kalibonan ug bakhawang bahin sa nahisgotang lugar.

Gigukod unta kini sa kapulisan apan gumikan kay dili sila sweto sa lugar nakaabot kini ug sapa sa nahisgotang lugar padulong sa dagat hinungdan nga gituohang nakalangoy kini sa dagat ug palayo sa lugar. Gawas sa nakalas nga si Arvillon ug Macan nasikop sa kapulisan sila si George Macan kinsa igsuon sa napatayng si Arnel Macan ug Gerlin Perocillo kinsa kauban nila ni Pacallago nga nag pot session.

Ang duha pulos miangkong nag pot session apan mihimakak nga nakaila ni Pacallago ug mga kaubanan. Gumikan sa kasweto ni Pacallago sa lugar nga nakigpinusilay sa kapulisan nanawag ug backup ang Cordova Police sa mga sakop sa Provincial Intelligence Branch PIB ug mga sakop sa Provincial Mobile Force Company PMFC sa Cebu Provincial Police Office CPPO nga gipangulohan ni Lieutenant Colonel Marlu Conag.

Padayun pa gihapun ilang hot pursuit operation ni Boyet Pacallago ug ang kauban niini.

 

Leave a Reply

Your email address will not be published. Required fields are marked *