SUTUKIL SA LAPULAPU POSIBLENG BUNGKAGON

Usa sa mga disenyo nga himuong basehanan sa tukuron nga Lapulapu Shrine

Posibleng mawagtang na sa ilang kasamtangan nga nahimutangan ang mga “SuTuKil (Sugba, Tuwa, Kilaw) grill houses” nga duol sa Mactan Shrine (Liberty Shrine) sa Dakbayan sa Lapulapu.

Kini gumikan sa pagatukoron nga “Lapulapu Shrine” diin isulod na ang kasamtangang estatwa ni Lapulapu nga mao karun ang ginganlan ug Liberty Shrine sa Barangay Mactan. Matud pa ni National Historical Commission of the Philippines (NHCP) Chairman Rene Escalante nga mukantidad ug P100 milyones ang kantidad sa tukuron nga Lapulapu Shrine diin “makita (transparent)” ang patas-an nga estatwa ni Lapulapu gikan sa gawas.

“We will desigh the shrine in such a way that wherever you are in the museum you can see it, its an open thing that you can see it.” Apan matud pa ni Escalante nga tungod sa gidak-on sa building ug desinyo niini, iyang girekomendar nga i-demolish ang mga souvenir shops nga naa karun sa dapit.

“In fact we are proposing to demolish the souvenir shops near the streets para pag nasa kalsada ka dapat makita mo ang mga elementong importante na nasa loob ng shrine.

We are proposing to demolish all this destructions if you are along the streets but we will relocate it on the sides para maaliwalas at kitang-kita natin si Lapulapu,” nagkanayon si Escalante.

Ang shrine masusama ug desinyo sa Lincoln Memorial Shrine sa California, USA ingon man sa Michaelangelo’s David’ museum sa Accademia Gallery didto sa Italy Kalabot sa mga Sutukil grill houses, gibutyag ni Mayor Junard Chan nga ilang gitun-an ang lakang nga mabawi sa “kagahamhanang lokal (local government)” ang yuta nga gitukoran sa maong mga establismiento sanglit dunay pribadong tawo nga nakapa titulo sa yuta bisan pa ug klaro nga iya sa gobyerno ang maong mga luna.

“With regards to the Sutukil we are studying now because that property, someone is claiming that property which for us it belongs to the city because its already in the shore. But there’s a private entity nga nakahimo ug titulo sa atung kabaybayunan. Actually the one who (sic) surrounded the shrine has already a title, a private person that’s why our legal from the city is studying on it unsaon nato na pagbawi,” matud pa ni Mayor Chan.

Ang Mayor midugang nga gumikan sa tukuron nga shrine, ang mga namaligya ug mga souvenirs balhinon arun maklaro gyud ang estatwa ni Lapulapu. “With regards sa affected there are some areas that will be relocated like for example the souvenir shop nakaharang siya, nakatabon siya ni Lapulapu we agreed with the Chairman that we will relocate them.

So we will demolish them and relocate in the other side.” Ang pagtukod sa “Lapulapu Shrine” sugdan na sa sunod tuig subay sa pagahimuon nga ika-500 ka tuig nga kasumaran sa “Battle of Mactan” sa Abril 27, 2021 diin ipahigayun ang “quincentennial celebration” sa nahimong labing una nga pagtuyok sa tibuok kalibutan (circumnavigation) sa mga Katsila.

Si Ferdinand Magellan ang nangulo sa maong byahe apan napukan siya ni Lapulapu ug si Sebastian Elcano na ang mitapos sa maong byahe nga miprubar nga lingin ang kalibutan ug dili ra patag (flat).

Gimugna ang National Quincentennial Committee (NQC) alang sa maong kalihukan diin gitugbangan sab kini sa gitukod nga Lapulapu Quincentennial Committee (LQC) ni Mayor Chan./AAJ

 

Usa sa mga disenyo nga himuong basehanan sa tukuron nga Lapulapu Shrine

 

Usa sa mga Sutukil restaurants duol sa pagatukoron nga Lapulapu Shrine

 

Ang kasamtangan nga estatwa ni Lapulapu

 

Si NHCP Chairman Rene Escalante (tunga) atul sa gipahigayun nga tigum sa Lapulapu City hall agi ug pagpangamdam sa Quincentennial celebration sa Abril 27, 2021