LABELLA GARBO NGA PRODUKTO SA PUBLIC SCHOOL SA SUGBU, MIDAYEG SA MGA PUBLIC SCHOOL TEACHERS, TAG 10K X’MAS BONUS

Si Cebu City Mayor Edgardo Labella kinsa miinom sa tubig gikan sa tubod sa Sitio Tubod, Bulacao Cebu City kagahapon

Share this on Social Media

Produkto siya ug public elementary school ug matud pa ni Cebu City Mayor Edgardo Labella dako kaayo kini niyang garbo.

Ang Mayor misugilon nga mi-gradwar siya sa Mabolo Elementary School diin matud pa niya daghan ang mga milampos sa ilang pagtungha. “Lipay ko nga sa akong eskwelahan sa Mabolo Elementary School bisan ug public school ra gitudluan mi ug maayo.

Gawas lang pagbasa, pagsuwat ug pag-ihap, gitudluan mi sa among maestra kaniadto sa maayong pamatasan unya maayo man diay tung dunay disiplina kay tan-awa ra gud daghang kaayo ming classmates sa Mabolo Elementary School, daghang na doktor daghang na abugado na maestro, maestra ug daghan pang propesyon.

“Sumala pa usab niya nga sama sila ni Bise Mayor Michael Rama nga produkto sa public school ug nangahimo nga mga Mayor sa syudad.

Si Rama migwadwar sa Basak Elementary School unya sama kaniya si Labella nahimo usab nga Bise Mayor sa syudad. “Unya pilay pad sad nga graduates sa public school pareha ni Vice Mayor Mike Rama, Basak Elementary School man sad nahimo sab siyang Mayor nahimo sab siyang Bise Mayor.

Ako sad public school man nang Mabolo Elementary School nahimo sad nga mao ani karun,” sumala pa ni Mayor Labella.

Ang kasamtangang Mayor midayeg gilayon sa mga public school teachers diin iyang gipahibawo nga ang tanang public school teachers sa Cebu City makadawat ug tag dyes mil pesos (P10, 000.00) nga christmas bonus.

Gipasabot ni Mayor Labella nga angayan gyud nga tabangan ang mga magtutudlo kinsa iyang gihulagway nga, “most overworked” apan “underpaid.” “Ang atung mga maestra tagaan nato ug tag dyes mil nga bonus kay para nako, I have always said over and over again, sa iningles pa nga our public school teachers are the most overworked, the most underpaid and that is an understatement.”

Midugang si Mayor Labella nga ilabi na ang anaa sa elementarya, kini ang naghatag ug pondasyon sa edukasyon sa matag usa.

Gitinguha sab sa Mayor nga gahinan ug Cost of Living Allowances (COLA) ang mga public school teachers sa syudad. “Sa tanang mga government workers ang nakita nako nga angayang tabangan una sa tanan ang atung mga magtutudlo kay kita di ta kaabot, kita di ta ma-abugado kung wa na maayuha ug tudlo ilabi na sa elementary pa ta kay mao man nay foundation mao man nay formation sa atung, not only in our educational skills but also our moral values.”

Segun sa rekord, ang Cebu City council miaprubar ug P8.1 bilyones nga budget sa syudad alang sa 2019 samtang gitinguha nga himuon kini nga kapin sa P10 bilyones alang sa tuig 2020./AAJ

 

Si Talisay City Mayor Samsam Gullas (ikalima sa luyo) uban ni Mayor Edgardo Labella (ikalima) atul sa Bulacao river rehab and clean up kagahapon, Nobyembre 29, 2019. Naa sa atubangan si Talisay City PIO Lesley Vestil (wala) ug Cebu City PIO Razel Cuizon (tuo)

Leave a Reply

Your email address will not be published. Required fields are marked *