Pagka-disabled dili babag sa mga pangandoy.

Bisag wala’y mga kamot, si Antonie Eduard Bendanillo, naningkamot gihapun kini ug nakahuman ug abogasya Si Antonie Eduard Bendanillo, 33 years old, single, taga Mandaue City, usa ka juris doctor ug samtang naghuwat siya sa resulta sa bar exam, nag trabaho kini sa usa ka kompanya. Na aksidente dihang bata pa siya diin nagunitan niya ang usa ka live wire.

Siya ang usa sa mga nindot nga ehemplo nga bisan pa ug unsay problema padayun lang gihapun sa imong mga pangandoy. Naningkamot sab siya nga mosuwat, mag computer, mo gamit ug cellphone ug bisan unsa na kaya buhaton sa normal nga tao.

Matod pa niya, nakasuway siya ug bullying ug diskriminasyon sauna pero kini ang iyang gihimung inspirasyon ug mas nag tukmod niya nga mas maningkamot. Ganahan sab siya na mahimung tingog ug inspirasyon sa mga PWD nga maningkamot gihapun ug mabuhi parihas ra sa mga normal na mga tao.

Tungod sa iyang determinasyon, gitabangan siyang Senator Bong Go na makakita ug trabaho nga na-angay sa iyang kurso ug hasta ang pagpahimu ug prosthesis o artifical na mga kamot ug uban pang kinahanglanon.

“Tutulungan kita, kung pwede national office, basta dito lang sa Cebu para di malayo. Tutulungan kita makahanap basta gawin mo lang ang lahat para sa Pilipino, just do what is right, and avoid corruption, basta tulungan mo lang kami ni presidente Duterte.”, matod pa ni Go.

Dugang pa ni Go, usa ni siya ka inspirasyon para sa tanang mga PWD’s na gusto mo skwela, makatrabaho ug makatabang sa dakbayan. Ni tuo sab si Go na ‘habang may buhay, may pag-asa.’